ەلەكتروندى جۇيەگە كوشۋدى قالا مەكتەپتەرى 2015-2016 وقۋ جىلداردان بەرى جوسپارعا قويعان. قازىر جوباعا قالا بويىنشا 31 مەكتەپ قوسىلىپ وتىر. ناتيجەسىندە 1218 مۇعالىم مەن 9955 وقۋشى جانە 8338 اتا-انا ەلەكتروندىق جۋرنالعا تىركەلگەن.
سەمەي قالالىق ءبىلىم ءبولىمىنىڭ ادىسكەرى تاتيانا بەسسارابوۆانىڭ ايتۋىنشا, 2020 جىلعا دەيىن بارلىق مەكتەپ ەلەكتروندى جۋرنالعا كوشەدى. بىرىڭعاي جۇيەدە وقۋشىنىڭ وقۋ ۇلگەرىمى مەن ساباققا قاتىسۋى تۋرالى بارلىق اقپارات جيناقتالادى. اتا-انا دا قالاعان ۋاقىتىندا بالاسىنىڭ باعاسىن ونلاين تۇردە كورە الادى.
«قر ءبىلىم جانە عىلىم مينيسترلىگىنىڭ 2016 جىلعى 29 تامىزىنداعى №536 بۇيرىعى بويىنشا ورتا ءبىلىم بەرۋ مەكەمەلەرى «كۇندەلىك.kz» جۇيەسىنە قوسىلۋدى باستاعان بولاتىن. «تسيفرلىق قازاقستان» مەملەكەتتىك باعدارلاماسىن جۇزەگە اسىرۋدىڭ اياسىندا 2020 جىلعا دەيىن بارلىق مەكتەپتەردە 100% ەلەكتروندىق جۋرنال ەنگىزىلمەك. بۇل جۇيە ۇستازداردى قاعازباستىلىقتان بوساتادى. اتا-انالار ءۇشىن وقۋ قىزمەتىنىڭ اشىقتىعىن ارتتىرا تۇسەدى», - دەيدى تاتيانا بەسسارابوۆا.
